img_565228-300x214_1

Հաղորդում են կրթահամալիրի ռադիոլրատվականներ «Սուրհանդակը» և «Նոր ռադիոն»:

Ֆոտոշարը` Մարինա Մկրտչյանի բլոգում

Կարծիք

Հանդիպման ժամանակ սովորողների հարցերն ավելի հետաքրքիր էին, քան գրողի պատասխանները: Օրինակ, Արեգ Պարսիլյանի հարցը. «Երբևէ չե՞ք մտածել, որ ձեր գրքերը երեխաները նկարազարդեն»: Պատասխանը. «Լավ գաղափար է», և վերջ: Ստիպված եղա միջամտել ու մի փոքր ներկայացնել մեր կրթահամալիրը՝ ասելով, որ մեր կրտսեր դպրոցներում շատ մեծ ուշադրություն է դարձվում սովորողների ստեղծականությանը, և ավելացրեցի, որ նա շատ ու շատ լավ գաղափարներ կունենա, եթե մի քանի ժամ անցկացնի մեր կրտսեր դպրոցներում: Հաջորդ հարցը մի աղջնակինն էր. «Չե՞ք պատրաստվում մի գիրք էլ գրել բարի տատիկների մասին»: Մանկագիրն առանց հումորի, լուրջ դեմքով ասաց, որ միգուցե կմտածի այդ մասին: Ամենազավեշտալին եղավ ամենավերջում: Կրտսեր դպրոցի մի աղջիկ ասաց, որ մեր հյուրի գրելու ոճը շատ նման է Ջանի Ռոդարիի ոճին, և հարցրեց, թե արդյոք նա սիրում է Ջանի Ռոդարիին: Պատասխանը մի քիչ հիասթափեցնող էր. «Ո՞վ է Ջանի Ռոդարին»: Ես մտածեցի, որ թարգմանիչը լավ չի թարգմանել, և հոլանդացի մանկագիրը լավ չի հասկացել հարցը: Այդ պատճառով էլ ինքս թարգմանեցի մեր սովորողի հարցը: Պարզվեց, որ նա լավ էլ հասկացել էր հարցը և իրոք չգիտեր, թե ով է Ջանի Ռոդարին: Կարծում եմ, որ միակ լավ բանը այս հանդիպումից այն էր, որ մեր սովորողները անգլերեն կենդանի, օտարերկրացու խոսք լսելու հնարավորություն ունեցան:
Реклама